هذا بش يكون آخر كلام مني ليك 

اول حاجة مانيش نقلك في الكلام هذا لحتى سبب  اما juste لازمك تعرفو فماش ما تفيق على روحك 

عمري ما خممت نعمل حاجة بش نضرك ولا بنية خايبة 

اي غلطت وحليتلك فايسبوكك اول مرة و قتلك شنوا لي خلاني نعمل هكاكا و قتلك راني ندمت و قتلك سامحني و من وقتها ماعاودتش حاولت نبيراتيه ولا نبدل ال مودباس 

ننصحك برا شوف شكون لي عملها المرات الاخرين لا يعاودها و ديما يبقى في بالك وسيم هوا لي عملها 

و كي كلمت بوك مافيباليش اللي هذاكا نومروه و كي عرفتو بوك طول علقت و ما حاولتش نعاود نطلبو و ما طلبتوش بش نستفزك كيما مشا في بالك 

و كي قتلي دالي يحب يكلمك والله فرحت خاطر وقتها   كنت عاذرك عاللي قلتهولي و نعرف اللي انت صعيب تصدقني تصدقني  و رغم اللي نعرف انو déja  كل شي وفى مابيناتنا ماحبيتش يبقى في بالك اللي انا ساقط و نحب نعملك مشاكل و قلت لعلى دالي  يصدقني و يقلك 

كنت ناوي نعاود نكلمك بعد ما نحكي معاه اما موش عندي امل نرجعو بعد لي قلتهولي  لكن juste بش نصفو النية. تعرف شنوا كنت ناوي نقلك ؟ ،، حاجة كيما هكا  : 

"""عائشة صحيح كل شي وفى مابيناتنا اما نحب نصفو النية نحب نقلك راك ضالمتني في حاجات و رغم اللي ماعنديش ما يثبت لاكن عيشك صدقني راني ماعاودتش بيراتيتلك فايسبوكك زي ما انت تهمتني ممكن الحاجة الوحيدة اللي تنجم تثبت هيا المرة الثانية ليلة اللي بلوكيتك و قتها قتلي اللي انا حاولت نبدل المودباس و انا وقتها مع طفل صاحبي نقري فيه و علاش اصلا نبدل فيها و هيا عندي وقتها و ديجا بدلتها قبلها ب ايامات (و تعرف قداش ندمت عاللي عملتو من غير ما نزيد نعاودلك )معناها اصلا هيا عندي معناها فما شكون غيري حاول و ممكن نفس الشخص هذاكا هوا اللي عملها المرة الاخرة 

و كي طلبت بوك راني مافيباليش بيه نومروه و ماحاولتش نستفزك كيما انت اتهمتني 

صحيح راني غلطت معاك و حسستك اللي انا كبشت و كرهتك في حياك و غلطت برشا و دخلت خشمي في حاجات ما تعنينيش ،

عائشة ما فمى حتى عذر في الدنيا يبرر لي عملتو انا لاكن نتمنى تسامحني عائشة  و نتمنى تنسى اللي فات و كان تحب نرجعو خوات خاطر انا مالناس الي تعرف قيمتك و مانحبكش تخرج من حياتي خاصة انك فهمتني بالغالط و حتى كان ماتحبش راني متفهم موقفك و يكفي انك تقلي لي انت سامحتني خلي انجم انا نسامح روحي و لا نسألو على بعضنا في العيد يكفي و كي تتفكرني تفكر وسيم اللي تعرفو قبل 21 نوفمبر اللي كان يفهمك و يفرحك و ماتتفكرش وسيم اللي خان ثيقتك   """

كنت بش نقلك هكا خاطر ديما في مخي عائشة اللي عرفتها قبل مافيباليش اللي انت طلعت هكا 

كنت بش نقلك هكا خاطر عمري ما شفت لأغلاطك و ديما نشوف كان لأغلاطي  

دالي قلي شبيك مكبش معاها . و الطفلا ما يحكوش معاها بالسيف و كي تقلك الطفلا اخطاني لازمك تخطاها و تبعدها 

قتلي انت اخطاني قبل النهار هذاكا ؟ قتلي انت ابعدني قبل النهار هذاكا ؟

اصلا انا رضيت بالهم و الهم ما رضاش بيا و قلت خلي ننساها و نخرجها من حياتي وقتلك بلوكيني كيما انا حلمت و اصلا متعداش وقت و طول بديت تنش عليا في صحابك كأني انا مازلت شاد الصحيح و كأنو تعدا شهر و انا نحاول نكلمك و انت ماداروش 24 ساعة و بديت تهرسل فيا 

ماشي في بالك اللي انا مكبش فيك ؟ 

تحب نذكرك قداش من مرة حاولت نبعد عليك و نبقو صحاب عادي ولا برا قول اخوات

الساعة اول ما انت قتلي نولو صحاب قتلك ما نحبكش تخسر صحابك على خاطري و قتلك ما نحبكش تخسر فرص اصحاب خير مني و انت قتلي واثقة من روحك

و مرات اخرين قتلك اللي انا بارد و سطحي و مانصلحش نكون صاحب و انت قتلي عادي 

و اول ما تقابلنا كنت متقبل و ناوي  نعذرك و نتفهمك اذا انا ما عجبتكش في شكلي ولا تصرفاتي و متوقع انك تجبد روحك من غير ما نلوم عليك خاطر ماعنديش الثيقة في روحي لكن  انت قتلي زدت حبيتك 

و كي شفت الكابتير متاعك مع حمزة بعثتلك فوكالات و كنت ناوي نقابلك و نسألك ونقلك خوذ قرار واضح و كون صريحة معايا حتى اذا قرارك ضدي و نتقبل انك تمشي معاه ونبقو خوات و انت ماخليتنيش نحكي و ديما تتهرب و ماحبيتش تقابلني 

و قتلي ما نجمش نجاوبك و بعدها قتلي اللي انت بلوكيتو معناها اخترتني 

و كي بلوكيتك انا خاطر قتلي اللي انت ماعاش تنجم تصدقني و بعدها انا ندمت و رجعتك عمتلك اكبر اعتراف و قتلك اللي انا افشل حبيب تنجم تكون معاه و مافما حتى طفلا تنجم تصوحبني و تتحملني و فاهمك علاش انت صوحبت حمزة عليا و كنت محضر روحي نفسيا انك تتخلى عليا و انت قتلي الي ماتبدل شي و احنا كيما امس كيما اليوم 

و كي تقابلنا آخر مرة في القروان كنت ناوي نفضها خاطر ماعاش نحمل تصرفاتك و نقلك نبقو خوات لاكن لقيتك في الواقع تتصرف معايا بكل حنية و احتويتي الغضب متاعي اصلا وقتها قتلك نحب نحكو في بلاصة وحدنا لا نحب قهاوي لا ماكلة لا نحب نشري مقروض خاطر كنت نحبك تسمعني و تاخو قرار  لاكن لقيتك فرحانة و حسيتك مازلت تحبني هذاكا علاش بطلت و قتلك انا حاير فيك كيفاش تنجم تكون انت نفس الطفلا مابين الفيسبوك و الواقع !

هذا الكل و باقي ماشي في بالك اللي انا نجري وراك و انا نعرف اللي انت ما تحبنيش ؟ 

هذا الكل و ماشي فيبالك اللي انا نحب نفرض روحي عليك بالسيف ؟

لا و مش هذا برك انت كنت كلك تناقضات و الشهر لي تعدى ابداه من الثلاثة ايام اللي ماحكيتش معايا فيهم و انا تغششت و هبلت و تلزيت نغلط معاك نحب نقلك اللي انت على طول الشهر هذاكا بقيت تتصرف معايا تصرفات اخيب من هكاكا ب برشا و انا مستحمل و ساكت ولاقول معطيتنيش فرصة نقلك و خليتني لا انجم نفرح خاطرني معاك و لا انجم نتخلى عليك 

باقي ماشي فيبالك اللي انا مكبش ؟

تعرف انت اصلا علاش حبيت نكلمك نهار الاحد سوا قبل ولا بعد ما قتلي نبقو خوات ؟

 كنت نحب نقلك صارحني ماللخر و فهمني و احكي معايا و بعد ما انت قتلي هكاكا و اختفيت كنت نحب نقلك كنت تنجم تكلمني و تفسرلي و تفهمني بطريقة خير من هكاكا . و علاش تستناني لين نروح للدار و توفي كل شي بأخيب طريقة في العالم 

تلوم عليا كيفاش حبيت نكلمك ؟

ماشفتش روحك كيفاش بعد ما تعدو 7 شهور كاملين حبيتني نتقبل و نقتنع بحاجة كيما هكاكا في لحظة و زيد من غير تفسير 

 انا حكيت معاك بالسيف ؟ وقتاش قتلي لي انت ما تحبش تحكي معايا ؟ قتلي ابعدني و ما بعدتكش ؟

خاطر انا حبيت نسمع منك كيفاش وعلاش تخليت عليا بالطريقة القذرة هاذيكا يتسمى حكيت معاك بالسيف ؟ 

حبيتني ننسى كل شي في لحظة بالسيف ؟ 

باقي مرة اخرى بش نقلك لي انا كنت نحب نقصها ولا قول لي انا مقتنع و محضر روحي نفسيا لكن مش بالطريقة المتخلفة لي عملتها انت و كنت محضرلك برشا كلام و هذا شويا منو 

هذا كتبتو نهار الجمعة لي فات كي فديت من تصرفاتك """"عائشة علاش قاعدة تكذب عليا . شنوا اللي يخليك تخبي عليا و تكذب في الكبيرة و الصغيرة 

ماشي في بالك انا بهيم ؟ و لا ماشي في بالك حبي ليك بش يخليني نصدقك ؟ 

فما شكون يبقى من غير انترنت نهارين كاملين ؟ حتى كان قص عليك الويفي تنجم تعمل فورفي و لا انت صلا اكيد عندك . كيفاش اقنعت روحك اللي انت تنجم تكذب عليا و نصدقك في حاجة كيما هاذي 

توا انت عاملة فايسبوك اخر و حتي كي قتلك عليه طفيت الضو و بقيت تحكي معايا مالفيسبوك القديم اللي ماعش تستعمل فيه و ميساجاتي ما تحلهمش اصلا و تحب تقنعني اللي انت ما عندكش انترنت ! 

كيفاش اقنعت روحك اللي انا مانيش بش نتغشش كي تطفيني و تبعثني كيما هكاكا ولا غشي ما يعنيلك شي و لا ماشي في بالك اللي حبي ليك بش يخليني نتحمل 

غالطة والله العضيم غالطة بالعكس قاعد نشعل 

صحيح قتلك اللي انا ماعاش بش نلوم عليك كي ما تحكيش معايا اما مش توصل للدرجة هذي

قلي شنيا هوايتك ؟ تقطع القلوب ؟ تلعب بالمشاعر ؟ تحطمهم ؟ انا الوحيد اللي قاعدة تعذب فيه هكا و لا فما شكون قاعدة تعذب فيه غيري ؟

تحب تعرف علاش ما نقلكش الكلام هذا ؟ 

خليتلي فرصة انت ؟ قاعدة تتهرب و تحب تقنعني اللي بالرسمي ما تنجمش تحكي 

نعرف عندك مشاكل و ما عندكش كان انا في الدنيا لكن ما فما حتى عذر يخليك تكذب عليا 

و ما تخلليليش الوقت بش نتناقشو اصلا ! 

ياخي هاذي طريقتك انت في حلان المشاكل ؟ 

تعملي stand by وقت ما تحب و turn on وقت ما تحب تقول تلفزة !

عندك اغرب طريقة في حلان المشاكل شفتها في حياتي و الله ! 

غلطت معايا قبل و تعاركنا و توا قاعدة تغلط معايا في اغلاط اكثر من قبل 

تتجاهل فيا .  ذليتني و الله . عمري ما وصلت بالطريقة هاذي عبد يحسسني اللي انا رخيص عندو و ما نسوا شي  واللي يزيد يوجعني كونو اكثر عبد نحبو و نعزو و قاعد يتصرف معايا ب طريقة مايتصرفهاش العدو في عدوه ما نحبش نزيد نوصفلك وجيعتي و اش حسيت في الشهر اللي تعدى كامل و ما نحبش نزيد نحسسك اكثر بحبي و احتياجي ليك خاطر انت قاعدة تستعمل فيه ضدي 

انت كي عرفتك حسيت بالصدق و البرائة و العفوية 

و ما كان عندي حتى تردد قبل اني نقلك شنوا نحس و حبي و احتياجي ليك و فرحتي ب وجودك في حياتي 

ممكن اي طفلا اخرى كانت تعمل هكاكا في الطفل اللي يحبها و يعترفلها و يصارحها . و تبدى تتعزز و تتجبد عليه 

انت حسيتك مش كيفهم ، حسيتك استثناء ما يتعاودش و برائة و صدق ارقى و اسمى من انو يتصرف بالعقلية المقززة متع اغلب البنات . ما نعرفش انا كنت غالط ماللول ولا فما حاجة بدلتك 

ما كنتش نتصور اللي حبي ليك و اعترافي ليك يخليك تعمل فيا اللي يضهرلك و تخبي و تكذب عليا و بالك مرتاح اللي انا بش نبقى نجري وراك  !!!

شنوا فما من تفسير آخر لتصرفاتك ؟ ما تحبنيش اصلا ؟كان ما تحبنيش علاش ما تقليش ؟ يعجبك مخليتني معلق هكا ؟

اي علاقة توصل لي وصلنالو احنا مالتخبية و الكذب راهي بش تفشل و تنهار و الحاجة الوحيدة اللي مخليتها مازالت قايمة و متماسكة هوا اني مازلت نلوج فيك على عائشة الطفلا اللي حبيتها في الاول . ليا شهر نلوج و مالقيتهاش و ما نعرفش قداش مازلت نجم نلوج و لا نستحمل اللي انا فيه """"

ماعاش عندو فايدة الكلام هذاكا توا اما ميسالش تعرف لي انا كان عندي 1000 طريقة بش نقصها معاك خير مالطعنة في الضهر اللي عملتهالي و طريقة النعامة الي تصرفتي بيها 

قبل كنت نادم شويا خاطر نشوف كان لاغلاطي و كنت نحبك تسامحني و كنت نتعدى بحالة نفسية صعيبة و ديما ندعي"" ربي لا تحملني ما لا طاقة لي به""

 حمدولله ربي استجاب لدعايا و عرفتك على حقيقتك

اما قداشني كنت غالط فيك و مصلوب على راسي و كي سامحتك على حاجات مشى في بالك اللي انت عندك الحق تغلط معايا كيما تحب 

واليوم ارتحت خاطر رغم اللي كنت حاسس بالذنب في حاجات توا جا لبالي اللي :

موش انا لي كذبت و خبيت عليك و كنت نصارحك بكل شي حتى اذا مش في مصلحتي 

موش انا لي نغلط و ما نبررش اغلاطي 

موش انا لي عندي زوز وجوه و ماخبيتش عليك فيسبوك اخر 

انت كذبت عليا و خبيت عليا كل شي 

موش انا لي صاحبت غيرك وقت لي انا مصوحبك 

موش انا لي حبيت نضهرك صورة براقة و مبادئ 

و انت اول ما عرفتك حسستني لي انت ملايكة ما تغلطش و بعد نلقاك تخون و تكذب و تخبي 

انت قتلي شبيك تحاول تكلم في دارنا و تهمتني اني نحب نعملك مشاكل مع الدار 

تضحك و الله ! شكون اللي يحب يعمل مشاكل للآخر في آخر حلقة انتوما كلمتولي صاحبي و خليتوني في الحشمة معاه و نفسرلو 

 انت و صاحبك كلمتولي امي اما حمدوله تليفونها موش بحذاها وقتها . قلي شكون يعمل مشاكل للآخر ؟ 

عاودت قلقتك انا ؟ عاودت طلبتك انا ؟

قتلك راني رضيت بالهم و الهم مارضاش بيا  

مخطوبة جملا !! 

كي صاحبي كلمني و قلي تصدمت والله اما قلت الحمدولله ربي سترني من وحدة كيفك 

اما بقيت باهت و الله كيفاش عبد يوصل يكون كيفك 

كنت توهم فيا لي انت تحبني و تكذب عليا و معيشتني في وهم المدة هذي الكل و انت مخطوبة !!

قبل كنت متقبل انك تقصها معايا و نبقو اصحاب اما توا ماعاش نحب نتفكرك اصل نحب نمحيك من حياتي جملا 

نقلك حاجة ، انت قتلي مرة لي انا نيا و ماعنديش تجربة في الحياة ، اي صحيح. لاكن انت الشخص الوحيد الي استغل طبيعتي هذيكا باخيب ما يكون و تصرف معايا باخيب طريقة اللي مايعملهاش العدو في عدوه 

تي انت اكبر كارثة و مصيبة في تاريخ العلاقات 

و الحمدولله الي ربي فيقني بيك و ماعاش مدبرم بعد شهر كامل 

ماعادش نحب نكلمك اصلا و معاش نحب نفهمك لي انا خاطيني و نحبك انت تخطاني و معاش تقول لاصحابك يكلموني 

انت كرهتني على حاجات غالطين و حاجات مانيش قاصد بيهم الخايب 

انا البارح موش كرهتك برك لا و زيد كرهتك على حقيقتك 

مانيش مصدق اللي فما عبد ينجم يوصل يكون كيفك 

رغم هذا مانيش نادم اللي عرفتك خاطر في جرتك و جرت جرحانك ليا قويت علاقتي ب ربي و آمس زدت قويت علاقتي ب امي و شكيتلها و استعرفتلها بال introvertism متاعي لي مخبيه عليها 6 سنين 

و توا زدت تخلصت ماللعنة متع وجودك في حياتي 

معادش نحب نكلمك و ماعاش نحب نعتذرك اخطااااني